Nuusbriewe

Nico Baird

EK het Saterdag met ’n groepie lede van die ATKV gesels oor hoe om die internet beter te benut in hul organisasie. Nie net was dit lekker om weer vir ’n verandering ’n draai te gaan maak in Kimberley nie, maar ek het besef hoeveel opsies daar deesdae vir mense beskikbaar is om ’n boodskap oor te dra.

Die internet het so ’n wonderlike medium geword dat ons werklik hierdie wonder van die digitale era moet aangryp en optimaal moet benut.

Nuusbriewe is nog altyd ’n effektiewe medium om nuus te versprei en om inligting maklik oor te dra aan groepe mense. In die verlede was dit egter ’n duur oefening. Drukkoste en dan posgeld het hierdie kommunikasiemedium uiters duur gemaak.

Daar is egter ’n groot aantal opsies op die web beskikbaar en die skep en verspreiding van ’n digitale nuusbrief kan vinnig en goedkoop wees. Feedburner.com is ’n gratis diens wat jy maklik aan jou blog of webblad kan verbind, en deur die regte opsies te kies kan mense op jou webblad inteken om jou nuusbrief te ontvang. Die verspreiding geskied ook outomaties sodra jy jou webblad of blog se inligting opdateer.

Die tweede opsie is ’n diens soos Nouri.sh waar jy al die name en e-posadresse van ou lede of belanghebbendes kan invoer. Jy kan dan van verskillende bronne die nodige skakels invoer op Nouri.sh. Jy kies ’n tyd van die dag of die week wat die nuusbrief gestuur moet word en Nouri.sh sal dan outomaties al die nuwe inligting van al die verskillende webbladsye wat jy gelys het, versamel en in ’n netjiese e-pos saamstel en uitstuur.

Ek het ’n akademiese / tegnologienuusbrief saamgestel wat daagliks al die nuutste inligting saamstel en uitstuur.

Indien jy belang stel om dit te ontvang, stuur net vir my ’n e-pos en jy sal dit dan daagliks kry. Jy kan ook maklik onder aan die e-pos op ’n skakel kliek indien jy nie meer die nuusbrief wil ontvang nie.

Gaan speel ’n bietjie rond, jy en jou organisasie of vereniging kan wondere verrig met só ’n nuusbrief.  Jy kan ook maklik bo aan die linkerkant van die skerm inteken op die ClickKliek nuusbrief!

 

Diensverskaffers melk ons leeg

APPLE het aangekondig dat verbruikers nou flieks deur iTunes kan huur. Jy betaal basies $3,99 of R28, laai die fliek af en kyk dit.

Jy het 30 dae om die fliek te begin kyk en jy het 24uur om dit klaar te kyk nadat jy begin het.

Nadat ek dit gesien het, het ek besef dat dit ’n wonderlike diens is, maar in Suid-Afrika sal dit onbekostigbaar wees.

Die gemiddelde fliek wat jy kan aflaai, is 1,5gigabyte en in Suid-Afrika sal dit jou ongeveer R100 of meer kos vir daardie 1,5gigabyte. Tel die R30 by wat jy vir die fliek se huur betaal en dit werk jou sowat R130 per fliek uit. Dit vir ’n fliek wat jy slegs vir 24uur kan kyk. Jy kan dus nie vandag kyk en môre weer nie, jy moet dit vandag klaar kyk en dan verval dit.

Ek kon nie glo dat die klomp Amerikaners so opgewonde is oor hierdie diens as dit so duur is nie. Dit is toe wat ek gaan ondersoek instel.

Ek het na 25 van die eerste ADSL-verskaffers in Amerika wat ek kon opspoor gekyk en kon nêrens ’n beperking op die hoeveelheid data wat jy kan aflaai op enige van die bladsye kry nie.

Dit is dus vir Amerikaners maklik om ’n fliek teen R30 te huur, daar is nie werklik enige ekstra koste vir die aflaai van die fliek nie. Dit is net jou basiese internetkoste (wat jy reeds betaal het) en dan die huurkoste vir die fliek.

Ek het werklik geglo dat ons teen hierdie tyd in Suid-Afrika ons by die res van die wêreld sou aansluit en meer aanvaarbare pryse vir internettoegang sou betaal.

Dit wil my egter voorkom of die diensverskaffers hierdie goue koei wil melk tot op die bitter einde.

Ons moet maar net terugsit en dit aanvaar.

Gelukkig sal ons dit een van die dae nie agterkom nie, siende dat ons nie elektrisiteit sal hê om ons rekenaars aan te sit nie.

 

 

Click Here for THE BEST HOME LOAN DEAL EVER!

Podcamp in Kaapstad was Ongelooflik

Click here for the best credit card in the world!

DIE afgelope naweek was dit die PodCamp in Kaapstad. Wat ’n ongelooflike ervaring. En om alles te kroon wen die Bokke toe ook.

Ek was uit die veld geslaan oor die ongelooflike sin van eenheid en gemeenskap wat ek in die Kaap ervaar het.

Die New Media-gemeenskap gesels saam, kuier saam en ondersteun mekaar geweldig. Dit het ontstaan, omdat die gemeenskap gereeld bymekaarkom om te gesels en gedagtes uit te ruil.

Ná gesprekke met van die groot name in New Media het ons besluit om ’n poging aan te wend om dieselfde soort eenheid hier in die Vrystaat te vestig deur gebruike daar ook hier te implimenteer.

Die eerste hiervan sal op 27 November wees.

’n Geruime tyd is daar elke maand op die 27ste van die maand ’n 27 Dinner.

Op hierdie aand kom almal in die New Media-gemeenskap bymekaar vir aandete.

Daar is gewoonlik ’n spreker, en indien jy die spreker wil wees, kan jy dit net aandui en jy sal die geleentheid kry.

Hierdie is ook die ideale geleentheid vir beleggers om kontak te maak met ontwikkelaars.

Jy as ontwikkelaar of ontwerper kan kontak maak met ander ontwikkelaars en so word nuwe samewerkingsgeleenthede geskep.

Die aande is gratis om by te woon en jy betaal slegs vir jou aandete. Dit vind gewoonlik in ’n restaurant plaas en daar heers ’n feestelike atmosfeer.

Indien daar iemand is wat belang stel om die geleentheid volgende maand by te woon of om die gasheer te wees kan hulle my laat weet. Ek glo vas daar kan ’n sterk gemeenskap in die Vrystaat wees. Ons moet net die eerste tree neem.

 

Click here for the best credit card in the world!

Elektroniese nuusbriewe meer

Unwanted Gifts

EK word gereeld gevra om mense te help met die opstel van elektroniese nuusbriewe. Dit is iets wat ek ­geweldig geniet en wat my opgeval het, is die toename in hierdie ­versoeke.

Daar is vandag soveel opsies ­beskikbaar vir elektroniese nuusbriewe en van hierdie opsies is outomaties. Wanneer jy clickkliek se webblad besoek, sal jy ’n blokkie regs bo in die hoek sien waar jy jou e-posadres kan invoeg.

Elke keer wanneer ek nuwe inhoud op die webblad sit, sal daar outomaties die volgende oggend ’n nuusbrief aan almal gestuur word wat ingeteken het. Die beste hiervan is dat dit ’n gratis diens van Feedburner is. Indien jy dus ’n blog begin vir jouself of jou maatskappy sal ek dit sterk aanbeveel dat jy sommer dadelik ook by Feedburner gaan aansluit.

Skole, kerke en ander organisasies kan honderde rande spaar deur al hul lede op hul nuusbrief te laat inteken. Indien daar nuwe nuus is, kan die nuusbrief outomaties gestuur word.

Ek onthou nog die dae toe ons elke paar dae ’n omsendbrief by die skool gekry het en dan moet Ma of Pa dit teken om te bewys dat hulle dit gekry het. Die groot probleem was dat ek nooit onthou het om dit vir hulle te gee nie, maar as Ma of Pa internettoegang het, kan hulle ’n elektroniese omsendbrief ontvang. Indien jy ’n grafies ontwerpte nuusbrief wil uitstuur, kan dit werklik in enige program saamgestel word. My aanbeveling is slegs dat jy die finale produk in ’n algemeen beskikbare formaat sal plaas. Die Adobe Pdf-formaat is baie gewild en werk uitstekend.

My aanbeveling is dat jy altyd ook ’n paar gedrukte kopieë van die nuusbrief beskikbaar maak.Nico Baird is ’n direkteur van Dreamagineers Internasionaal.

 

Bfn-webontwerpers beïndruk

 

Win a trip to Mauritius

DIE afgelope naweek het ek ’n openbaring beleef. Aan die einde van Oktober kom Rowan Polovin van myvideo.co.za hier in Bloemfontein ’n werksessie aanbied oor hoe om op die web ’n onderneming te vestig en ’n goeie inkomste te verseker.

Ek het besef dit is die ideale werksessie vir almal wat webbladsye in Bloemfontein ontwikkel. Ek besluit toe om ’n paar uur te bestee en op die web na ontwerpers in Bloemfontein te soek. Ek het verwag om dalk ’n handjievol te kry, maar groot was my verbasing toe ek nie minder nie as 20 webontwerpers opspoor.

Ek kon dit nie glo nie. Vir my was dit ’n warm gevoel toe ek van die bladsye besoek en vind die ontwerpers van Bloemfontein het nie nodig om vir enigiemand terug te staan nie. Omtrent 90% van die webontwerpers in Bloemfontein se bladsye is nie net indrukwekkend nie, maar is ook funksioneel en voldoen werklik aan die huidige neigings wêreldwyd.

Ek meen die plaaslike pryse is dalk nog ’n bietjie hoog en dat baie van die ontwerpers vereis jy moet jou webblad op hul servers stoor. Ek stem glad nie daarmee saam nie. Die rede hiervoor is omdat baie ontwerpers dieselfde produk herhaaldelik verkoop en nie wil hê iemand moet dit namaak nie. Ek verstaan dit ook, want ek skep self webbladsye, maar indien ek betaling ontvang daarvoor, is dit die eiendom van die een wat daarvoor betaal het.

Dit is regtig al probleem wat ek met van die plaaslike ontwerpers het. Die gehalte van die werk wat ek gesien het, is na my mening werklik van ’n internasionale standaard.

Indien jy enigsins daaraan dink om ’n webblad te ontwerp wil ek jou vra om beslis eers ’n ontwerper in Bloemfontein te kontak. Die werk van die gemeenskap sal jou voorwaar beïndruk.

Tyd vir ‘n verandering!

Win a trip to Mauritius

TYD vir ’n verandering!

’n Maand of twee gelede het ek besef dit is tyd vir ’n verandering.

Daar is só baie wat ek nog moet sien en doen dat ’n agt-tot- vyf-beroep nie by my meesterplan inpas nie.

Die internet het ook die nodige geleenthede vir my geskep om daardie angswekkende stap uit die sekere na die onbekende te neem.

Vandag is my laaste dag by die Sentrale Universiteit vir Tegnologie, Vrystaat (SUT).

Ek het besef Bloemfon­teiners het nie altyd toegang tot bekostigbare webontwerpers en korporatiewe opleidingsgeleenthede nie.

Dit het my aangespoor om hard te werk aan die vestiging van ’n onderneming wat bekostigbare webbladsye vir diegene wat dit nodig het, kan ontwerp en een wat korporatiewe opleiding verskaf. Enigiets van akademiese werksessies tot alles wat jy van die web en nuwe tegnologiese verwikkelinge wil weet. Die doelwit is om seker te maak inwoners van Bloemfontein sal nie net ingelig wees oor die internet nie, maar dat elkeen sal weet hoe om die internet doeltreffend te benut – wat beskikaar is en hoe om die wêreld in te vaar met net die kliek van jou muis se knoppie.

Dit is opwindend, dit is ’n wêreld wat gedurig verander en dit is werklik makliker en goedkoper as wat jy dink.

My rubrieke sal ook in die toekoms dalk meer krities en kontroversieel wees. Vir almal op wie se tone ek gaan trap, vra ek nou al verskoning. My mening is dalk soms nie gewild nie, maar ten minste is dit my eerlike mening. Ek sien uit daarna om steeds op ’n gereelde grondslag vrae en boodskappe van almal te ontvang.

 

Sluit aan by Second Life (repost from JIP – article)

Sluit jou aan by Second Life

Sê jou vriende gereeld vir jou get a life? Maak dit jou woedend? Wel, met Second Life kan jy nou werklik net mooi dit doen.Second Life is ’n opwindende virtuele wêreld wat deur Linden Labs geskep is. Dit is nie net ’n webblad waar jy besoek kan gaan aflê nie. Dit is ’n wêreld wat elke oomblik van elke dag net groter en groter word. Die hele virtuele wêreld word deur sy inwoners besit en dit word amper net soos die regte wêreld bedryf.

Jy kan gratis aansluit. Eerstens laai jy sagteware af en installeer dit. Jy registreer en begin dan jou reis deur hierdie ongelooflike wêreld. Wanneer jy klaar “jouself” geskep het, deur ’n virtuele karakter vir jouself saam te stel, gaan jy na ’n eiland waar jy leer hoe alles werk. Jy sal oral mense sien ronddwaal wat net soos jy nuut in hierdie wereld aangekom het. Wanneer jy vertroud is en alles geleer het wat jy kan doen, kan jy jouself by die res van die bevolking in Second Life aansluit.

Dit vat nogal lank om eers die hele wonder van hierdie wêreld te ontdek, want anders as gewone online games probeer jy nie die hele tyd om mense dood te skiet of om plekke op te blaas nie. Jy leef net daar. Jy kan eilande koop, jy kan ’n winkel oopmaak en produkte verkoop en selfs as jy ’n regstudent by Harvard-universiteit is, kan jy van jou klasse daar bywoon. Jy loop oral rond en jy leef daar. Jy ontmoet jou vriende daar en julle kan selfs konserte bywoon. Aangesien daar ook nagklubs in Second Life is, skep dit geleenthede vir opkomende kunstenaars om in hierdie klubs op te tree en wêreldwyd voor ’n gehoor op te tree.

Hierdie wêreld het natuurlik sy eie ekonomie en omdat daar reeds meer as ’n miljoen inwoners is, kan jy ’n goeie inkomste aanlyn verdien as jy iets het wat die ander inwoners wil koop. Jy maak jou onderneming oop en begin verkoop. Hiervoor gebruik jy Linden Dollars en wanneer jy ’n goeie bedraggie opgebou het, kan jy dit in regte geld omsit, of dit daar bestee – koop ’n huis, koop virtuele klere, miskien ’n motor?

Die moontlikhede in Second Life word net beperk deur jou kreatiwiteit en jip, jy kan vlieg ook!

Soos met alle gemeenskappe op die internet is dit altyd belangrik om te onthou om nie te veel inligting oor jouself aan ander bekend te maak nie. Dit is ook veiliger om eerder by die tiener-weergawe van Second Life aan te sluit by http://teen.secondlife.com. Gaan besoek sommer vandag nog hierdie virtuele wêreld en word deel van hierdie vinnig groeiende gemeenskap! – nico baird

iPhone launced



Die hele wêreld sit in afwagting vir vandag se groot bekendstelling. Die iPhone word uiteindelik vandag in die VSA beskikbaar gemaak.

Die afgelope paar maande is dit al waaroor die Tech-gemeenskap op die web kon gesels. Daar is groot verwagtinge op Apple om ‘n uitsonderlike produk beskikbaar te stel, maar niemand weet nog regtig wat die iPhone gaan bied nie.

Apple is bekend daarvoor dat hul produkte uiters gebruikersvriendelik is en dat tydens die ontwerp van hul produkte die gebruiker se ervaring prioriteit is. Gaan die iPhone voldoen aan al die verwagtinge wat bestaan?

Van die GPS tot die iPod, videospeler en ander web en rekenaar funksies is baie van die dienste reeds beskikbaar op selfone soos die Nokia N95. (Indien enigiemand weet hoe om die GPS op die Nokia N95 te aktiveer laat weet my asb, want my diensverskaffer weet nie).

Apple het ook aangekondig dat gebruikers YouTube videos direk op die iPhone sal kan kyk. Die vraag is net of jy nog ‘n oproep sal kan maak na ‘n paar videos, want die batterylewe van die iPhone is nog ‘n raaisel.

Daar word verwag dat duisende entosiaste vandag voor die Apple winkels in die VSA sal begin tou-staan om van die eerstes te wees wat die iPhone sal besit.

Ons in Suid Afrika sal maar ‘n paar maande moet wag om presies te kan sien waaroor al die opwinding gaan aangesien die iPhone moontlik oor ‘n hele paar maande in Suid-Afrika beskikbaar sal wees.

Apple verseker gebruikers egter dat die iPhone ‘n deurbraak in die gebruik van ‘n selfoon is, indien ons kyk na Apple se geskiedenis is ek geneig om hulle te glo.


Ontmoet dalk só ‘die regte een’

meet

EK het ongeveer ‘n jaar gelede ook ‘n rubriek geskryf oor hoe jy jou lewensmaat op die Internet kan ontmoet. Die onderwerp het vandag weer opgekom met ‘n gesprek wat ek met ‘n vriendin gehad het.

Sy is vas oortuig daarvan dat ‘n mens eerder maar aan ‘n slegte verhouding moet vasklou, want waar op die aarde ontmoet jy op 30 ­iemand. Dit was vir my duidelik dat ek weer hierdie onderwerp moet aanraak.

Daar is baie plekke op die internet waar jy mense kan ontmoet en daar is honderde mense hier uit ons streek wat reeds geregistreer het vir van hierdie dienste. Jy leer ken die persoon voor die tyd op die internet en daarna kan julle mekaar vir ‘n koppie koffie ontmoet. Tradisionele plekke soos ‘n klub en kroeg is seker vir baie mense die ideale plek om iemand te ontmoet, maar ek wonder of dit werklik so ‘n goeie plek vir ‘n langtermynverhouding is.

Kliek hier om te gaan loer by een van die grootste dienste waar jy dalk net die regte een moontlik kan raakloop! Indien jy iemand sien waarin jy belangstel en met wie jy boodskappe wil verwissel, kan jy aansluit. Jou persoonlike kontakinligting – soos jou e-pos-adres – word nie aan die ander persoon bekend gemaak nie. As jy dan later besluit om jou inligting aan die ander persoon bekend te maak kan jy dit self stuur.

Dis net belangrik dat jy onthou dat daar baie maniere is om mense te ontmoet en dat daar duisende mense daar buite is wat ook op soek is na “die regte een”.

 

Find a Home

Begin jou eie kanaal! (www.ustream.tv)

5GIG OF HOSTING AND FREE EMAIL ADDRESS FOR LESS THAN R30 PER MONTH!
YOUR OWN DOMAINNAME FOR ONLY R7 PER YEAR! CLICK HERE NOW!
(pay per credit card in US$ and save! International hosting company Owned by ClickKliek and managed from right here in Bloemfontein!)

DIT is tyd vir die groot dag. Almal kan kom, behalwe Chris en Penny – en soos almal weet, is hulle op al wat ’n troue is, so hulle kan joune nie mis nie.

In die verlede kon jy vir hulle die video of DVD ná die troue stuur, maar dit is net nie dieselfde nie. Dit is altyd lekker om iets te sien wanneer dit plaasvind.

Dis reeds moontlik om video’s op die web te laai sodat ander daarna kan kyk, maar daar was nog altyd ’n groter behoefte aan regstreekse video’s.

Vroeër kon jy met R100 000 se hardeware só ’n video op die web laai, maar dit was net te duur.

Nou kan almal dit doen en al wat jy nodig het, is die bandwydte om die video op die web te laai. Ustream.tv het ’n wonderlike nuwe diens wat die wêreld gaan verander. En dit is ongelooflik maklik.

Jy registreer jou gratis vir die diens by www.ustream.tv. Dan prop jy jou webcam of ander videokamera by jou rekenaar in en deur ’n paar stappe te volg begin jy regstreeks uitsaai.

Ek dink die potensiaal van hierdie diens is groot: Troues, prysuitdelings by skole, gradeplegtighede, kongresse of sommer net om vir almal te wys wat jy heeldag aanvang.

Daar is ook baie uitsendings waarna jy kan gaan kyk soos die uitsending van die Gustavus Corpse-blom (Titan Arum) wat nou blom. Dit is een van die grootste blomme en die plant neem 12 tot 14 jaar voordat dit die eerste keer blom.

Jy moet ongelukkig hoëspoed-internet hê om hierdie diens te geniet.

Buy SA Wine

Page 1 Page 2